የተቋሙ ኃላፊ የአቶ ሳምሶን እሼቴ መልዕክት

ፕላንና ልማት ጽ/ቤት የከተማዉን አሰፈፃሚ አከላት እንደገና ለማቋቋምና ስልጣንና ተግባር ለመወሰን በወጣው አዋጅ በቁጥር 199/2015 የተቋቋመ መሆኑ ይታወቃል፡፡ በመሆኑም የፕላንና ልማት ጽ/ቤት በከተማዉ ከተቋቋሙት አስፈጻሚ አካላት አንዱ ሲሆን የተቋቋመበት ዋና ዓላማ የከተማዉን የልማት እንቅስቃሴዎች በዕቅድ እንዲመሩ ለማስቻልና በተግባራት አፈጻጸም ረገድ ግልጸኝነትና ተጠያቂነት አሠራር ይበልጥ እንዲሰፍን በማድረግ፣ፍትሀዊ የሀብት ክፍፍል እንዲረጋገጥና ዘመናዊ የመረጃ አያያዝና ስርጭት ስርዓት በመዘርጋት የከተማዉን ትክክለኛና ወቅታዊ ኢኮኖሚያዊና ማህበራዊ ልማት ገጽታ መረጃዎችን በማሰባሰብ ማደራጀትና ለተጠቃሚዎች በማሰራጨት እና የህዝብ ቁጥር ዕድገት ከኢኮኖሚ ዕድገት ጋር ተጣጥሞ እንዲጓዝ በመሥራት ፈጣን የኢኮኖሚ ዕድገት ቀጣይ እንዲሆን የሚጠበቅበትን ተልእኮ ለመወጣት ነው፡፡ ባለፉት ዓመታት በሀገራችንም ሆነ በከተማችን በተካሄደው የለውጥ እንቅስቃሴ ህዝቡ በየደረጃው የሚያነሳቸውን የልማትና የመልካም አስተዳደር ጥያቄዎችን በተጠናና በተደራጀ መልክ ደረጃ በደረጃ ምላሽ ለመስጠት አስፈላጊ መሆኑ ታምኖበት ተግባራዊ የሚደረግ የ10 ዓመት መሪ የልማት ዕቅድ ሰነድ በከተማዉ የተዘጋጀ ሲሆን የከተማዉን ኢኮኖሚያዊና ማህበራዊ ዕድገት በእቅድ ለመምራት የሚያስችል የቀሪ 7 ዓመታት  መሪ የልማት ዕቅድ ሰነድ ተዘጋጅቶ በሚመለከታቸው ውሳኔ ሰጪ አካላት ተተችቶ ከጸደቀ በኃላ  ተግባራዊ በመደረግ ላይ ይገኛል፡፡ ከተማ አስተዳደሩ ከዓመት ዓመት በሚሊዩኖች የሚቆጠር ገንዘብ ለካፒታል ፕሮጀክቶች በመመደብ በርካት የመሰረተ ልማት ሥራዎች እየገነባ ይገኛል፡፡ የከተማ አስተዳደሩ ህዝብ የተገነቡ መሰረተ ልማቶች በባለቤትነት እንዲጠብቅና እንዲንከባከባቸዉ የበኩሉን አስተዎፆ አንዲያደርግ መልዕክቴን አስተላልፋለሁ፡፡