የተቋሙ ኃላፊ የወ/ሮ ስመኝ ሻንቆ መልዕክት

ባለፉት አምስት የዕድገትና ትራንስፎርሜሽን ዕቅድ ዓመታት በየዘርፉ ታቅደው ግቦቻቸውን ያልመቱ ተግባራት በዝርዝር ተገምግመው ጉድለቶችና ለመልካም ተሞክሮ የሚሆኑ ውጤቶች ተለይተው እና በ2016 በጀት ዓመት ዕቅድ አፈጻጸም መነሻ በማድረግ በ2017 በጀት ዓመት የሚከናወኑ ተግባራት የተዘጋጁ ሲሆን ይህም የሁለተኛውን አምስት ዓመት የዕድገትና ትራንስፎርሜሽን ዕቅድን ታሳቢ ያደረገ ነው፡፡ ይህም ዕቅድ በመንግሥት ቁርጠኝነትና የቅርብ አመራር ሰጭነት ፣ በባለሙያው ድጋፍና ክትትል እንዲሁም በህብረተሰባችን የተሟላ ተሳትፎና በቴክኖሎጂ ተጠቃሚነት በየሥራ ዘርፉ የተገኙ ምርጥ ተሞክሮ በማስፋት ስትራቴጂ የሚፈጸም ሲሆን በመንደር ሆነ በከተማ ድህነትን ለማስወገድ በሚያስችል መልኩ የጋራ ርብርብ ይደረጋል ፡፡ ባለፉት ዓመታት ታቅደው ላልተከናወኑ ተግባራት በምክንያትነት የሚቀርቡ በርካታ ጉዳዩች ቢኖሩም በዋናነት የሚጠቀሱት የኪራይ ሰብሳቢነት አመለካከትና ተግባር፣የአስፈጻሚና የፈጻሚው አቅም ውስንነትና ቴክኖሎጂን በተሟላ ሁኔታ ያለመጠቀም ችግሮች በዋናነት የሚጠቀሱ ሲሆኑ በ2016 የበጀት ዓመት እነዚህን ችግሮች በሚቀርፍ አግባብ የመንግሥትና የህዝብ አቅም አቀናጅቶ በየደረጃው የለውጥ ሠራዊት በመገንባት ቀጣይ የዕድገትና ትራንስፎርሜሽን ዕቅድ ለማሳካት የሚያስችሉ ሥራዎች ትኩረት ተሰጥቷቸው ይከናወናሉ፡፡

በዚሁ መሠረት በሁሉም ሥራ ዘርፎች ዕቅዶች አተገባበር ላይ በየደረጃው ባለው አመራርና ፈጻሚ ድጋፋዊ ክትትል የሚደረግ ሆኖ በዋና ዋና የሥራ ዘርፎች ማለትም በሴቶች አቅም ማጎልበት በህጻናትና ትኩረት ተሰጥቷቸው ይከናወናሉ፡፡ ስለሆነም ከላይ በተጠቀሱትና በሌሎችም የሥራ ዘርፎች በ2017 በጀት ዓመት እንዲከናወኑ የታቀዱ ዋና ዋና ግቦች እንደሚከተለው ቀርቧል፡፡