የተቋሙ ኃላፊ ወ/ሮ ማሜ ጌታቸው መልዕክት

የቡኢ ከተማ አስተዳደር ባህል ቱሪዝም ጽ/ቤት የከተማችን ህዝቦች የባህል፣ ታሪክ፣ቋንቋና ሥነ-ጥበብ እሴቶችን በማጥናት በማልማትና በመጠበቅ የህብረተሰቡ ማንነት እንዲታወቅና ተጠቃሚም እንዲሆን ከማድረጉ በተጨማሪ ጽ/ቤቱ በአሁኑ ዘመን በዓለማችን በፍጥነት እያደገ የመጣውን የቱሪዝም  ዘርፍ በማጎልበት የከተማው የቱሪስት አገልግሎት ሰጪ ተቋማት ክትትልና ድጋፍ በማድረግ በሃገር አቀፍና ብሎም በዓለም አቀፍ በማስተዋወቅ በከተማው ገጽታ ግንባታ ላይ ተገቢውን ድርሻ እያበረከተና በቱሪዝም ዘርፍ የከተማው ገቢ በማሳደግ የማይናቅ ሚና በመጫወት በድህነት ቅነሳ ረገድ አስተዋጽዎ እያደረገ ይገኛል፡፡

የቡኢ ከተማ የባህል ቱሪዝም ጽ/ቤት እነዚህን ሀብቶች በይበልጥ በማጥናት በመለየት በማልማትና በመጠበቅ ለትውልድ እንዲተላለፉ ማድረግና ጠንካራ የማስተዋወቅና የገበያ ትስስር የመፍጠር ሥራ በመሥራት ሀብቶችን ለዓለም ህብረተሰብ በማስተዋወቅ ለከተማው ኢኮኖሚ ተገቢውን የገቢ ድርሻ እንዲያበረክት በተጣለበት ሃላፊነት በርካታ ተግባራትን እያከናወነ ይገኛል፡፡በዚህም መሰረት የ2017 በጀት ዓመት እቅድ እንደሚከተለው ታቅዷል፡፡